Kræftemik nappaateqartut Ilulissat napparsimavianni katsorsarneqarsinnaalerput

Nunatsinni kræftimut kattorsartittarneq kemoterapi sinerissami illoqarfinni anginerusuni periarfissaavoq. Taakkunani aamma ilannguppoq Ilulissat napparsimaviat. Qaasuitsup kommuneani nakorsaaneq Eskild Boeskov oqarpoq.
Allattoq Jaaku Lyberth
septembarip 12-at 2009 16:49

Kattorsatittoq siulleq aallartereerpoq. Kattorsartittussallu tamarmik qulakkeersinnaanngilaat Ilulissani najugallit tamatigut Ilulissani kattorsartittassallutik. Kemo-mik kattorsaariaatsit annertussusissai assigiinngillat, nakorsaatillu pineqartut akui timip sananeqaataanut celle-nut toqunartortaqangaatsiarmata kattorsaariaatsimik sungiussisimalluinnartunit passunneqartussaapput, taamaammat kattorsaanerit ilai suli sinerissami, ilaai Nuummi ilaallu Danmarkimi ingerlanneqartarallassapput.

Eskild Boeskov oqarpoq. Eskild Boeskov-ip qularinngilaa Kalaallit nunaanni kattorsartissinnaanerup periarfissaanera napparsimasumut nakussassaataallunilu oqilissaataassaqisoq. Ilulissani kræft-imik eqqugaasunut pulaartartumit Birthe Lundblad-imit nutaarsiassaq tigulluarneqarpoq, taanna isumaqarpoq ilaquttat qimallugit, oqaaserinngisanillu oqaluttunut aallaqattaartariaqartarnerup, inummut nanertuutitut tuttarmat eqqissilluni peqqissarnissaraluaq pinngitsoorsinnaasartoq.