Kræft-imik akiuniaqatigiit: 18-it inorlugit ukiullit cigaritsinik pisitinneqassappata unioqqutitsinertut isigineqartussanngortilli
Maannakkut inuppassuit isumaqarput inuusuttuaqqat cigaritsiniit uerinaqisuniit ningorsimatinneqassasut.
Peqqinnissaqarnikkut Kattuffippassuit piffisami sivisuumi tamanna sorsuutigisimavaat, maannakkullu tupaliorfissuit isumaqataallutik nalunaarput, .
Pilersaarummi pisortaasoq, Kræfti pillugu Akiuiniaqa-tigiiffimmeersoq, Per Kim Nielsenip oqaatigaa, 16-nik ukiullit pujortartartut marloriaamik peqqissutsimikkut navianartorsiortartut.
Aatsaat inuusuttut 18-it miss. Ukioqaleraangamik puaat inerilluartarput. 18-illu inorlugit ukioqarluni pujortartalersimagaanni puakkut kræfteqalersinnaaneq qaninneerarsuusarpoq, pujortartartullu puaannik puaqalernissaq aamma ajornannginnerujussuusarluni.
Puaat suli inerilluarsimanngitsut pujortartalersimangaanni puakkullu inuup sananeqaatai innarlersimagaanni puakkut kræfteqalersinnaaneq taamalilluni qanittuararsuanngortarpoq.
Inuusuttuaraanermilu pujortartaliaarsimalluni ukiuni marlunni ullormut cigaritsit 20 pujortartarsimagaanni, puaat annertussusiat 10 %-mik annikilleriartarpoq.
Tamannalu imatut paasineqassaaq pujortartartut puaannik puanikkiartulernermik, siunissamilu puaat annertussusiat 70 %-mik suli annikilleriartussaassalluni.
Nunani avannarlerni Danmarki kisiartaavoq 18-it inorlugit ukiulinnit cigaritsisiffiusinnaasoq. Taamaammallu cigartitsit ulorianassusaat pillugu paasisitsiniaaneq sukateriffigineqarnialerpoq.
Kræftimik akiuiniaqatigiiffissuarmeersup Per Kim Nielsenip oqaatigaa; tupatoqqusiunnaarnissamik paasisitsiniaanissami sorpassuartigut suliniuteqartoqar-tariaqartoq tupamullu isiginnittaasoq aamma allanngortinneqartariaqartoq.
Ilaatigullu norgemi misissuisimanerit takutippaat,
Pujortarnerup ulorianaataa pillugu atuartitsinermik ingerlatsisimaneq tamatumalu saniatigut angajoqqaanik ataatsimiititsisarnikkut angajoqqaanik tupap ulorianassusaa pillugu sunniisimaneq, allaat meeqqat atuarfiini atuartut angajulliit affaat
pujortarunnaarsinneqarsimallutik.
Kræfti pillugu Akiuiniaqatigiiffimmi suliniummi pisortaasoq, Torsten Ellermann Eriksenimit, DR-meersumit apersorneqarluni taama oqarpoq.
Nutserisuuvoq, Kuulumaat Filemonsen.
