Kunngikkormiusut ataqqinassusillip Kronprinsesse Maryp, Royal Arctic Linep nioqqutissanik assartuutissaa umiarsuaq nutaaq Polenimi sanaaq ”Mary Arctica”, ullumi nunat avannarliit sinniisoqarfiata Nordatlantens Bryggep saavani, Christianshavnimiittumi atserpaa.
Inuit 120-t immikkut qaaqqusat najuupput. Ussattullu Kalaalerpassuit, ilaat kalaallisoortut, qallunaallumi aamma najuupput.
Umiarsuarmik atseereernermi kingorna Kronprinsesse Mary umiarsuarmi 113 meterisut takitigisumi, 588-nik containerinik usisinnaasumi takornariarpoq.
Takornariareernerup kingorna nunat avannaamioqatigiit sinniisoqarfiata nerisarfianni nalliuttorsiorneq ingerlanneqarpoq.
Kunngikkormiusut ataqqinassusillip Kronprinsesse Maryp umiarsuarmik atsiinerminut atatillugu, sermersuup eqqaaniittumit Isuameersumit ujaqqamik 3,8 milliard-inik pisoqaassusilimmik pinnersaasiamik tunisippoq.
Namminersornerullutik Oqartussanit peqataapput Naalakkersuisut siulittaasuat Hans Enoksen, Ineqarnermut Attaveqarnermullu Naalakkersuisoq Jens Napaattooq, Inuussutissarsiornermut Naalakkersuisoq Johan Lund Olsen kiisalu Inatsisartut Siulittaasuat Jonathan Motzfeldt.