Kunngissap Nuummut tikeraarnissaanut sisamanngornermi maajip ulluisa 28-anni pisussamut qilanaartoqarsinnaavoq. Klasvikimi Royal Run-imik siorna aallarniisoq assimi takuneqarsinnavoq. Qitikkut ajoqusersimanini pissutigalugu taamanikkut arpaqataanani sikkilerpoq.Assi: Royal Run

Kronprins Frederik Schweizimi sisorartilluni ajutoornini pissutigalugu suliaritittoq

Sisorartilluni mianersortoqartariaqarpoq aamma kunngissaagaanni.

Kunngissaq Frederik tuimigut ajoqusersimanini pillugu suliaritissimasoq. kunngikkormiut ullumi nalunaarutigaat,

Kunngissaq Schweizimi sapaatip-akunnerani kingullermi sisorartilluni tuimigut saamerlikkut annikitsumik ajoquserpoq, kunngikkormiut tusagassiisartui taama nalunaaruteqarput.

Kunngissaq napparsimmavissuarmi Rigshospitalimi  ullumi suliaritippoq, unitsinneqarani.  

Annikitsuinnarmik suliaritippoq,  pilersaarutit naapertorlugit, kunngikkormiut tusagassiisartuat Lene Balleby taama oqarpoq.

AAMMA ATUARUK Royal Run kommer til Nuuk

Kunngissap suliaritinnera kunngissap pisortatigoortumik suliassaannut sunniuteqarnavianngitsoq Lene Ballebyp erseqqissaatigaa.

Tassa Kunngissap Nuummut tikeraarnissaanut sisamanngornermi maajip ulluisa 28-anni pisussamut qilanaartoqarsinnaavoq, kunngissap 50-iliineranut atatillugu arpatsitsinermut  Royal Run-imut Nuummi pisussami siuttuusussaammat.  

Royal Run Nuummi ingerlanneqassaaq, Danmarkimi Royal Run-imik arpatitsinissaq ullunik sisamanik sioqqullugu, tassalu pinsekkunni Danmarkimi arpatitsisoqassaaq.

Royal Runimi arpatitsinermi 10 kilometerinik isorartutigisumut Kunngissaq Frederik arpaqataassaaq.

Royal Runimut arpaqataanissamut imaluunniit pisoqataanissamut uani suli nalunaartoqarsinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat