Kristumiut musliimillu aporaapput
Muuamaamik titartakkat pissutaallutik, Egyptenimi illoqarfiit ilaanni Alexandriami, ippassaq inuit 100-t missaanniittut ujaqqanik puiaasanillu imminnut milluutilermata, inuit tallimat ikilertiterput, mulsiimerlu ataaseq kilertitersimanerminik toqusimasoq, Egyptenimi napparsimaviit ilaat nalunaarput.
Muuamaamik titartakkat Jyllandspostenip saqqummersissimasai, aporaannermut aallartitsissutaapput, tallimanngormallu kristumiut naalagiarsimallutik oqaluffimmiit anialermata, titartakkat pillugit musliimeq narrujuumisimaqisoq, kristumiut oqaluffimmiit aniasut savimmik kapooralerpai. Tassani inuit arfinillit ikilerneqarput, savimmillu sakkulerluni saassussinermi, angut kristumiuusoq ataaseq toqunneqarpoq.
Arfininngormat kristunmiup toqunneqartup ilisaanerata nalaani eqqissiviilliulernerit ullup aappassaanik pilerput, ippassarlu poorskip ulluani, aporaannerit ingerlaqqipput.
Kristumiut musliimillu akornanni aporaattarnerit Egyptenimi pisarput, kingullermillu taamatut aporaannerit pipput 1999-mi, taamanikkut inuit 22-it toqutaapput.
