Kristumiussutsip islamillu assigiinngissutaat ersarissarnialerpaat

Danmarkimi palasit lutherikkuusut kattullutik kristumiussutsip islamillu assigiinngissutaasa ersarissarnissaat sulissutigilerpaat.

Attaveqatigiittartut isumaqarput Muamaamik titartakkat saqqummiunneqarneri palaserpassuit danskit taqissutigisimagaat.

-Danmarkimi biskoppit arlallit, kristumiussutsip islamillu killinginik erseqqarluppallaamik nassuiarniaraluarnerisa iluatsinngitsoortup, palasit attaveqaqatigiittartussaannik pilersitsinermut tunngaviusoq, palasitut ilinniarsimasoq, Kathrine Winkel Holm, nassuiaavoq.

Attaveqaqatigiittarfissap, palasitut ilinniagaqarsimasunik 60-it missinginik peqataaffigineqartup, ersersinniagassarilerpaa danskit palasit lutherikkuusut islamisiortut palasiinut akuersaaginnartuunnginneri.

Københavnimili domprovsti, Anders Gadegaard, isumaqataavallaannginnerarpoq, lutherikkummi upperisaanneereermat islamisiortut upperisaannut akuersaannginneq. Suliniaqatigiiffiup pilersinneqarnerani annilaanngatiginerarpaa, upperisat assigiinngitsut akornini saqitsaassutaareersut suli annertuseriaannarsinnaaneri – avissaartuutsitsiniarata ataatsimoorfigisinnaasatsinnik pilersitsisariaqarpugut, domprovst Anders Gadegaard nassuiaavoq.

Palasit lutherikkuusut attaveqaqatiiffissaannik pilersitsisut ilaat, Kathrine Winkel Holm, naggataagut oqarpoq, allamiut inuiaqatigiinnut akuunerulernissaannut suliniuteqarnermi evangeliut oqaluussissutigiunnaartariaqanngitsut.