Kristumiussutsip hornorujuliinera Qaanaami eqqaanilu nalliuttorsiutigineqarpoq
Palasi Gustav Olsen, aamma ajoqi Sechmann Rosbach, nuliatik meeqqatillu ilagalugit, Uummannami aggustip ulluisa sisamaanni, tamaani kuisimanngitsunut ukiut hornorujorpiaat matuma siornagut naalagiartitseqqaarput.
Ukiut 100-nngornerannut atatillugu nalliuttorsiornissamut qaaqqusat 18-it, sinerissamiit Danmarkimiillu aggersut, ilagaat biskop Sofie Petersen aamma taamanikkut taavani palasioqqaartut ilaqutaat.
Nalliuttorsiorneq biskop Sofie Petersenip iliveqarfitoqqami ullaap tungaani aallartissavaa, kingornalu palasi soraarneq Kristian Mørch naalagiartitsissaaq. Qaanaami palasiusimasoq alla Alibak Eriksen Pituffimmi oqaluffimmi unnukkut qinoqatigiissitsissaaq.
Qaanaami nalliuttorsiornerit iliveqarfitoqqami ualeru aallartinneqassapput, kransiliisoqarluni palasilu Juaanna Platou unnugu naalagiartitsissaaq.
Qaaqqusanut aqagu pingasunngornermi timersortarfimmi nerersuaqatigiissitsisoqassaaq.
Qaanaami innuttaasut tikeraallu 18-it sisamanngorneq nalliuttosiorfigissavaat. Palasip illuaniit oqaluffiup tungaanut ullaap tungaagut ingerlaaqatigiittoqassalluni. Tassani Gustav Olsenip eqqaassutissaa naasortalerneqassaaq. Quliniit naalagiaqatigiittoqassaaq, nalunaaqutarlu ataatsimiit tamanit peqataaffigineqartumik kaffisoqatigiittoqassalluni.
Nalluttorsiornerilli tassunga killeqassanngillat - tusarnaartitsinerit, filminik isiginnaartitsinerit, umiartoqatigiinnerit, igaasariaqatigiinnerit unnussiuaarnerit allarpassuillu pingasunngornerup aggustip aqqaneq-aappaata tungaanut ingerlanniarneqarput.
