Kristian Lennert: Nunatta nunarsuarmut akuulersimanera akuerisariaqarparput
Allattoq Mads Lynge
januaarip 27-at 2007 13:45
“Ataasiinnarmik suliassaqarpugut. Tassalu Nunatta nunarsuarmut akuulersimanera akuerisariaqarparput.
Taamaammat piukkunnarsaaneq ilinniartitseqqinnerlu annerujussuarmik aalluttariaqarparput”. Inuussutissarsiutinik ineriartortitsineq pillugu siunnersuisoqatigiit nutaat siulittaasuat, Kristian Lennert, taama oqarpoq:
- Aalisarnermik inuussutissarsiuteqarneq suli annertoqaaq, qujanartumilli takornariaqarnikkut aatsitassarsiornikkullu suliffeqarfiit pinngoriartuaarput, taamaattumik taakku aallaavissaapput pitsaasut, inuussutissarsiutilli ineriartortinniarutsigit ilinniartitaaneq ilisimasaqassuserlu toqqammaviginissaat pingaarluinnarput, Kristian Lennert oqarpoq.
