Kristian Kristoffersen World Cupimut anngutingajalluinnarpoq

Kristian Kristoffersen ujakkaarluni ooqattaasartartoq nunarsuarmi pissartanngorniunnermut World Cupimut anngutingajalluinnarpoq. Wold Cup-imi unamminissamut piumasaqataasut sekundinik 27-nik inulaarlugit Kristian Kristoffer annguppoq.
Allattoq Louise M. Kleemann
januaarip 05-at 2009 08:08

Unammineq Italiami Martellimi ingerlanneqarpoq.

Kristian Kristoffersen Aasianni timersoqatigiiffimmi ASP–imi ilaasortaasoq, ujakkaajutigaluni ooqatassaarluni pissartanngorniunnermi peqataanermini, ajugaasumit Ruslandiminngaaneersumit Evgeny Ustiugovimit minutsinik tallimanik sekundinillu 44-nik kingusinnerulluni annguppoq. Tassalu World Cupimut peqataanissamut sekundit 27-t kisiisa amigaatigalugit.

Ujakkaajutigaluni ooqattaasarluni pissartanngorniunnermi unammeqataasut 132-upput, Kristiaallu normu 82-itut annguppoq.

Kalaallit Nunaanni ujakkaarluni ooqattasartartut kattuffianni Grønlands Biathlon Forbundimit neriuutigineqarpoq, Kristian Krisoffersonip piffissami uani unammeqataanermini angusaqarluarnermigut Øystein Slettemark qaangerumaaraa, World Cupimi unammeqataanermigut taamatullu nunarsuarmi tamarmi ujakkaajutigaluni ooqattaasarluni pissartanngorniunnermut anngunnissaa aamma neriuutigineqarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq