Kristian Jerimiassen: Qinersisoqarli!
Qasigiannguani efterskoleliornissamut atatillugu paasissutissanik pingaarutilinnik Naalakkersuisuni ilaasortat sisamat isertuussiniarsimanerat, Kristian Jeremiassenip qinersinissamik nalunaaruteqartoqarnissaanik piumasaqarneranut pissutaavoq.
- Naalakkersuisut pisussaatitaaffii pillugit inatsit paatsoorneqarsinnaanngilaq. Naalakkersuisut pineqartut sisamat paasissutissanik pingaaarutilinnik isertuussiniarsimappata tamanna akuerisinnaanngilluinnarpara, Kristian Jeremiassen oqarpoq nangipporlu: Naalakkersuisut pineqartut sisamat efterskolemut tunngasoq suliaq torallanngivippaat, taamaattumik isumaqarpunga ajornartorsiummik qaangiissutissatuaq tassaasoq nutaamik inatsisartunut qinersinissaq.