Kreutzmann Kleist mittarfimmi pisortanngulertoq
Tupaarnaq Kreutzmann Kleist taamaalilluni qulimiguulinnut Nanortalimmi, Narsami Qaqortumilu mittarfiit taavalu aamma kujataani heliportit arfineq marluusut akisussaaffigilissavai.
- Uannut tatiginninnermik takutitsimmata tulluusimaarutigeqaara. Qaammatialuinnaat sulereerpunga, taamaammat pisortaqatigiit tatigalunga piukkunnaatikka takusinnaasimammassuk qujaffigaakka, Tupaarnaq Kreutzmann Kleist allappoq.
Narsarsuup mittarfiani pisortaq Storch Lund, ukiut 28-t sulereerluni, aasaq manna soraarmat, Tupaarnaq Kreutzmann Kleist mittarfimmi aqutsisunngorpoq.
Kleistip toqqarneqarnera pissusissamisoortoq, Mittarfeqarfinni pisortaq oqarpoq:
- Mittarfimmi pisortaagallartutut suliani pitsaalluinnartumik naammassisarpai, Mittarfeqarfinni pisortaq Marie Fleischer allappoq.
Tupaarnaq Kreutzmann Kleist imersornermik aamma ingerlataqarsimavoq, ilaatigut kalaallit arnartaanit kisiartaalluni, OL-imut peqataasussatut toqqagaanikuulluni tassanilu Sloveniami sangusaarnermi bronzennappoq.
