Kreta nunap sajunneranit eqqugaasoq
Grækenlandip qeqertaa Kreta nunap annerusumik sajunneranit eqqugaavoq. Sajunnermi aseruatitertoqarsimanersoq suli naluneqarpoq.
Allattoq Ritzau
maajip 02-at 2020 14:38
Nutserisoq Marie Kûitse Kristensen
Grækenlandip qeqertaani Kretami nunap uuttuut malillugu 6,0-imik sajunneranit eqqugaavoq.
Tamanna nunap sajunneranik Imaq Akullersuarmi misissuisarfimmit EMSC-mit nalunaarutigineqarpoq.
Immap naqqani 10 kilometerisut ititigisumi nuna sajuppoq. Inunnik ajoqusertoqarneranik, atortunillu aseruatitertoqarsimaneranik arfininngorneq ualisoq suli nalunaartoqanngilaq.
Kreta Grækenlandip qeqertaasa annersaraat, taannalu Imaq Akullersuup kujataata kangiata nalaaniilluni.
Grækenlandip qeqertaasa ilaanni nuna 2017-imi julip qaammataani 6,7-mik sajummat inuit marluk ajunaarput.
Athenimilu illoqarfiullu pingaarnersaata avannata kitaani nuna 1999-mi 5,9-mik sajummat inuit 143-t ajunaarput, nutaarsiassaqartitsivik AFP taama allaaserisaqarpoq.
/ritzau/Reuters