Kræftip suussusersinissaanut periarfissaat pitsaanerulerput

Nappaatinik kræftinnguussinnaasunik kræftillu aallartilaartup suussusersisinnaaneranut periarfissat peqinnissaqarfimmi pitsaanerulerput.
Allattoq Louise M. Kleemann
septembarip 02-at 2011 07:52

Nuummi Dronning Ingridip Napparsimavissuani pinasuagassanut immikkoortortassaq nutaaq qinngutinik nutaaliaasunik ilukkut misissuinermi atugassanik pissarsinissamut, A. P. Møllerip nuliatalu Chastine Mc-Kinney Møllerip siunertanut nalinginnaasunut aningaasaateqarfianit 3, 9 millionit koruuninik aningaasaliiffigineqarpoq.

Misissuinermi atortut nutaat taakku, nappaatip pingaartumik kræftip piaartumik paasineqarneragut inuunermik annaassisinnaanermut annertuumik sunniuteqassasut, Peqqissutsimut  Pitsaaliuinermullu Aqutsisoqarfimmit nalunaarutigineqarpoq.

- Tusagaq qujamasuutigalugulu nuannaarutigeqaara. Aningaasaateqarfimmit tunissut annertooq Naalakkersuisut anguniagassatut siunniussaannut tassalu kræftimik nappaatillit pitsaanerusumik kinguneqarluartumillu nakorsarneqartarnissaannut ikorfartuutaavoq, Peqqissutsimut Naalakkersuisoq Agathe Fontain taama oqaaseqaateqarpoq.

Atortut nutaat pinasuagassanut immikkoortortap nutaap 2012-imi upernaakkut atulernera ilutigalugu atorneqalernissaat naatsorsuutaavoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk