Aningaasat aatsat taama amerlatigisut ippassaq katersuiniarnermi katersorneqarmata, katersuiniarnermi aallakaatitsinermik aqutisut Heidi Møller Isaksen Apollo Jeremiassenilu tulluusimaarput.

Kræfti akiorniarlugu aningaasanik katersisoqarmat 3 millionit koruunit sinnerlugit katersorneqarput

Neriuffiit Kattuffiat nappaassuaq kræfti akiorniarlugu, Kræftens Bekæmpelse suleqatigalugu KNR-TV-kkut toqqaannartumik aallakaatinneqartukkut ippassaq katersuiniarmat rekordiliisoqarpoq.

Aallakaatitsineq nalunaaqutaq aqqarnup qaangilaaraa naammassineqarmat aningaasat 3.252.133 koruunit katersorneqarsimapput.

Aningaasanik aatsaat taama amerlatigisunik katersisoqarpoq, aningaasat katersorneqartut siornamut naleqqiullugu 1 millionit koruuninik amerlanerullutik.

Nappaassuarmit kræftimit eqqorneqarsimasut Neriuffiit Kattuffiannit tapersersorneqartarput. Aningaasat katersorneqarsimasut amerlanersaat kræftimit eqqorneqarsimasut legatinik tunineqarnermikkut tapersersorneqartarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat