Kosovop namminersulernera naqissuserneqarpoq

Namminersulernissamut nalunaarummut Kosovo 2008-mi akuersimmat, nunarsuaq tamakkerlugu inatsisiliorneq taamani malinneqartoq, Haagimi eqqartuussivissuarmit pituttorsimanngitsumik aalajangerneqarpoq.
juulip 22-at 2010 15:33

Kosovop namminersortuunera pillugu Serbia Naalagaaffiit Peqatigiit eqqartuussiviannut apeqquteqarsimavoq. Kosovo Namminersulernissamut akuersinermigut Serbiamut atajunnaarpoq. Tamanna Serbiap taamanikkut akornuserniarsarigaluarpaa.

Nunat Naalagaaffiit Peqatigiinnut atasut 123-t Kosovop namminersulerneranut suli akuersisimanngitsut akuersinissaat maanna ilimagineqalerpoq. Eqqartuussut naammassineqarmat Kosovo Naalagaaffiit Peqatigiinnut ilaasortanngornissaminut aamma qanilliallappoq.

Eqqartuussut ullumi aalajangiivigineqanngikkallarmat Serbia mianersoqqusivoq, oqarluni, namminersulernermut nalunaarut inatsisitigut akuerineqassagaluarpat nunarsuarmi nunallu ilaani killeqarfiit isumannaatsuunavianngitsut.

Eqqartuussut aalajangerneqareermat, Kosovop namminersortuunera Serbiap "qaquguluunniit akuerinavianngikkaa" nunanut allanut ministeri, Vuk Jeremi, oqarpoq.

- Ullut artornartut ornippavut. Provinsimi eqqissisimasumik patajaatsumillu ingerlanerup attatiinnarnissaa pingaaruteqarpoq, Kosovomut tusaqqusaarlunilusooq Vuk Jeremi oqarpoq.

Kosovop namminersortuunera nunat 69-it akursaareerpaat, Danmark taakkununnga ilaalluni.