Kosovo Serbiamit avissaaraluttualerpoq
Serbiami nunap immikkoortortaata Kosovop Serbiamit avissaaraluttualernera, Serbiap Kosovo pillugu ministeriata Slobodan Samardzicip ullumi tusarsimanerarpaa.
Allattoq Louise M. Kleemann
- Kosovop Serbiamit februaarip 17-iani avissaarniarnissaa, Kosovomi naalakkersuisut siuttuata Hashim Thacip suaarutiginiaraa, tusarfiit tutsuiginartut aqqutigalugit paasissutissarsinikuuvugut, Slobodan Samardzic oqarpoq.
Kosovomi Albanerit inatsisartui februaarip 17-iani ataatsimiinnissamut aggersarneqarsimapput, Kosovollu Serbiamit avissaarnissaa pillugu inatsisartut taasitinneqassamaartut, tusarfiit tutsuiginartut sapaatip-akunnerata massuma aallartisimalaarnerani ilimagilereersimavaat.