Kortimik atuisarnerup sinaakkusersorneqarnissaa isumaliutigineqarsinnaasoq

Doris J. Jensenip korterisaa pillugu politikerit maannamut qisuariarnerat Transparency Greenlandimit ileqimisaartuutigineqarpoq.

Kortimik atuisarnerup sinaakkusersorneqarnissaa isumaliutigineqarsinnaasoq, Deloittep misissuinerani inerniliunneqarpoq.  

Korti atornerlunneqartoq pillugu misissuisoqarnissaanik Doris J. Jensenip Ilinniartitaanermut, Kultureqarnermut ilisimatusarnermut ilageeqarnermullu naalakkersuisuugallarami piumasarivaa.

Deloittep suliamik misissuineranit inerniliussat KNR-ip allagaatinik takunnikkumalluni pissarsiarai
Transparency Greenlandimilu siulittaasoq, Anita Hoffer isumaqarpoq, kortimik assigisaanillu atuisarnerit malittarisassiuunneqartariaqaraluartut.

AAMMA ATUARUK Korti benzinasiniutissaq angallatip orsersorneqarnissaanut atorneqarpoq

Maleruagassat ersarlutsillugit ataqatigiissumik aaqqissuussaaneq innarlerneqarsinnaasoq assersuutigineqarsinnaavoq, tamatumalu kingunerisaanik atornerluinissaq periarfissaalersinnaasarpoq, pisorlu ilinniutigineqarsinnaasutut oqaatigisinnaavarput, maleruagassallu ersarluppata taava paasinarsarneqartariaqarput. Taamaaliornikkut korti qanoq atorneqassannersoq qanorlu atorneqassanngitsoq nalornissutigineqarunnaassaaq, Anita Hoffer oqarpoq. 

Deloittep nalunaarusiaa siorna novembarimi naammassineqarpoq politikerillu qisuariajaarsimannginneri Anita Hofferip paasiuminaatsippaa: 

- Ataqatigiissumik aaqqissuussaanermi ilaatigut aaqqitassat paasineqartarput, aaqqitassallu qanoq aaqqinneqassanersut pillugit avammut oqaluttuarineqartussaapput, tamannami pissusissamisoorpoq
maleruagassanili ersarnerluttoqartoq paasineqarmat aamma pisoq uteqqinnginniassammat tamanna ammasumik saqqummiussimassagaluarpaat, tamannalu pillugu qanoq iliuuseqartoqassanersoq ammasumik saqqummiullugu, taamaaliortoqarsimannginneralu uanga paasimiunaatsippara, Anita Hoffer oqarpoq. 

AAMMA ATUARUK Demokraatit benzinasiniutissamut suliamut nalunaarusiaq utaqqimaarniaraat

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat