Koreami sakkut inerteqqutigeqquneqarput

FN-imi isumannaallisaanermut siunnersuisoqatigiit isumaqatigiillutik, Koreami avannarlermi sakkuusinnaasut suulluunniit eqquteqqusaajunnaarnissaat isumaqatigiissutigaat.

Taamalu isumaqatigiittoqarnera ullumi New Yorkimi pivoq.

Sapaatip-akunnerunngitsup matuma siorna Koreami avannarlermi nalunaarutigineqarpoq, atominik misileraalluni qaartitsisoqartartoq, taamalu pisortatigoortumik atominut tunngatillugu Korea avannarleq pissaaneqartuusoq.

FN-imi isumannaallisaanermut siunnersuisoqatigiinniit ilaasortat 15-iusut piumasaraat, isumaqatigiissummi ilaatinneqassasoq Korea avannarliup illoqarfiisa pingaarnersaata Pyongyang-ip piaarnerpaamik atomimik misileraanini unitsittariaqaraa, taamalu atomi atorlugu sakkulersorneq piaarnerpaamik unitsinneqassasoq.

Taamatuttaaq taavani inuit atominik suliallit Korea avannarlermut iseqqusaajunnaarlutillu taakanngaanniit aallaqqusaajunnaartitaapput. Soorluttaaq nioqqutissat suulluunniit eqquteqqusaajunnaartinneqartut.