Assi: Dan Scavino Jr. [Public domain], via Wikimedia Commons

Korea kujalleq USA-mut akiliuteqarnerulersoq

USA-p sakkutuui Korea kujallermiissinnaaneranik isumaqatigiissutaat atsiorneqarpoq.

Isumaqatigiissummik atsiornerup USA Korea kujallerlu piffissami sivittajaamik isumaqatigiinnginnertik taamaalillutik naaperiuseqarfigaat.

USA Korea kujallerlu Koreami sorsunnersuaqarnerata nalaanili 1950-1953-ikkunni ikioqatigiinniarlutik isumaqatigiinnikuupput.

Sorsunneq naammassimmat eqqisseqatigiinneqarpoq USAp sakkutuui 28.000-it Korea kujallermut aallartinneqarput, Koreap avannarliup saassussisinnaanera pakkersimaarniarlugu.

Amerikamiulli præsidentiata Donald Trumpip arlaleriarluni akitsuutit annertuallaarnerarlugit Koreamut naammagittaalliutigisarpai.

Isumaqatigiissutip atsiornerata kingunerisaata ilagaat Korea kujallermi nunanut allanut tunngasunut ministereqarfiata 6,1 milliardit koruunit USA-mut 2019-imi akiliutigissagai. Tassalu akiliutigisartagaannit 8,2 procentimik qaffariarnerulluni.

Pilersaarut malillugu Trumpip Korea avannarliup siuttuat Kim Jong-un, februaarip naalernerani Vietnamip illoqarfiata pingaarnersaani, Hanoimi naapissavaa.

/Ritzau

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat