Korea Avannarliup siuttua Kim Jong-un. Asseq toqqorsivimmit.Assi: Prachatai/Flickr Creative Commons

Naalagaaffiup nutaarsiassaqartitsivia: Korea Avannarliup siuttua Kinamut ataatsimiigiarpoq

Korea Avannarliup siuttua Kim Jong-un Kinap illoqarfiisa pingaarnersaannut Beijingimut ullumi tikippoq, Kinap præsidentianik Xi Jinpingimik tassani ataatsimeeqateqassalluni.

Korea Avannarlermi nutaarsiassaqartitsivik KCNA taama ilisimatitsisoq, nutaarsiassaqartitsiviit nunanit allaneersut arlallit allaaseraat.

Kim Jong-un Beijingimut ippassarli aallarpoq, qimuttuitsuilu Beijingimut ullumi tikillutik.

Paasissutissalli Kinami Korea Kujallermilu atorfilittat ippassaq uppernarsarsinnaasimanngilaat.

AAMMA ATUARUK Trump Kim Jong-Unilu ataatsimeeqatigeeqqinniarlutik isumaqatiginninnialeruttortut

Taama ataatsimiittarnerit naamassereeraangata aatsaat Korea Avannarlermit oqaaseqarfigineqartarput, Kim Jong-unili Xi Jinpingilu ataatsimiinnissaat pilersaarutigineqartoq, Kinami nutaarsiassaqartitsiviup Xinhuap ullumi uppernarsarpaa, sunali ataatsimiinnermi oqaluuserineqassanersoq oqaatigineqanngilaq.

Kim Jong-un Xi Jinpingilu sisamassaa naapipput. Siorna marsimi siullerpaamik naapipput, Kim Jong-un Korea Avannarlermi ukiut arfinillit siuttooreersorlu siullerpaamik naapillutik.

Korea Avannarleq maannamut matoqqasimaqaaq, ukiulli kingulliup ingerlanerani ammanerujartuinnalerluni, nunanillu allanik oqaloqateqarniarnerulerlunilu.

/ritzau/

AAMMA ATUARUK Trump Kim Jong-unilu ataatsimiinnerat iluatsilluarpoq

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat