Korea Avannarlermiut qulingiluat kaakkamik qimaasimapput
Korea Avannarlermiut qulingiluat qimaasutut inissisimalernissaminnik danskit Vietnamimi Hanoiimi aallartitaqarfiannut iserlutik qinnuteqarsimapput. Taakku tassaapput aappariit, anaanaq panialu allallu tallimat, Korea Avannarlermiit kommunistikiusumiit piffissani assigiinngitsuni sumiiffinniillu assigiinngitsuniit qimaasimasut.
Taakku nalunaarumminni allapput, nerisassarsiorlutik qimaasimallutik, aamma naqisimaneqarnertik qatsullugu kiffaanngissuseqarusukkamik qimaasimallutik. Korea Kujallermi qimaasutut inissisimalernissartik Korea Avannarlermiut neriuutigaat, soorlu ukiut marluk matuma siorna taama iluatsitsisoqartoq.
Danskit Hanoiimi aallartitaqarfiata danskillu nunanut allanut ministereqarfiata
oqaatigerusunngilaat Korea Avannarlermiut aallartitaqarfimmi isumannaallisaanermik nakkutilliisut qanoq ilillutik sanioqqussinnaasimaneraat.