Korea avannarlermiut qimaasut
Korea Avannarlermiut sisamat Vietnamimi qallunaat allartitaqarfianut qimarnusut, qallunaat aallartitaqarfia-niit maannakkut korea avannerlermit qimaasut qanoq iliuuseqarfigineqassanersut misissorneqalerpoq.
Qallunaat aallartitaqarfiata iluaniipput, tassaniinnissaminnullu akuerineqarsimallutik.
Taamatut oqarpoq qallunaat aallartitaqarfianni Hanoi-mi allattaasoq, Thomas Gammelgaard Jørgensen.
Arnat pingasut inuusuttuaqqamik ilallit ataatsimillu angutitallit qallunaat aallartitaqarfianni sulisut ullup´qeqqasioruttulersut appakaateriataarsimapput, allagartamik nassataqarsimapput tuluttut allassimasumik korea avannarlermiuunerminnik allannilimmik, annertunerusumillu aallartitaqarfim-meersunit oqaloqatigineqarsinnaasimanatik oqaatimikkut paaseqatigiissinnaasimannginnamik, sorusunnersulli suniarnersullu maannakkut misissorniarneqarpoq, taama oqarpoq, Thomas G. Jørgensen.
Korea Kujallermioq aterminik taasaqarumanngittoq
Nutaarsiassaqartitsivimmut AP-mut oqarsimavoq, Korea Avannarlermiut sisamat Korea Kujallermi nunarsuarmioqatitta aallartitaqarfiisa ilaannut qimarnunissaminnik ikioqqullutik saaffiginnissimagaluartut. Taamatut saaffiginnit-toqarsimaneranik tusagaq uppernarsineqarsinnaanngikkaluartoq taamaattoq eqqumiigineqarsinnaanngilaq.
Korea Kujallermiut, Korea Avannarlermiunik qimaasunik kikkunnilluunniit ikiuisarnissartik aalajangiusimagaluaraat,
Taamaattoq korea kujallermiunit annilaagagineqarpoq
Kommunisteqarfimmiunik tigooqqaavallaarnermikkut pissutsit ajorseriarsinnaammata.
Ukiuni kingullerni Korea Avannarlermiut Kinakkoorlutik Taiwanimi Vietnamimilu aallartitaqarfinnut qimaallutik takkuteriataartarsimapput.
2004-mi Korea Avannarlermiut 460-it Vietnamimiit Korea Kulliup timmisartuussimavai pisullu tamassuma kingunerisaanik Korea Kujalleq Avannarlerlu akunnerminni ullumikkumut aaqqiagiinngissuteqalersimapput.
