Korea-avannarlermi nukissiorfik matuneqalerpoq

juulip 15-at 2007 12:53

Korea-kujalliup assartuutaa uuliamik 6.200 tonsinik usisoq, Korea-avannarlermut ullumi tikittoq, Politikenimi allaaserineqarpoq.

Korea-avannarleq uuliamik katillugu 50.000 tonsinik tunineqartussaavoq, taamaaliornikkut atomimik nukissiuutaa pingaarneq matuniarneqarluni.

Korea-avannarliup matusinissaa sulissutigineqalerpoq, naalagaaffiit arfinillit isumaqatigiissuteqarnerisigut. Naalagaaffiit pineqartut tassaapput, USA, Rusland, Kina, Japan, Korea-kujalleq aamma Korea-avannarleq.

Korea-avannarliup atomimik nukissiortarnerata taamaatitinneqarnissaa maannamut iluatsittumik suliniutigineqalerpoq, aningaasatigut annertuumik ikiorsiissuteqarnissamik atorfilittatigullu pitsaanerusumik atugassaqartitsilernissamik neriorsuuteqartoqarneratigut.

Atomimik nukissiorfik pineqartoq aqagu matuneqassasoq, Kina-mi aviisit ilaanni allaaserineqarpoq.