Korea Avannarlermi hamburgeri pisiassaalerpoq

Burgerit Amerikamiut kulturikkut sunniiniutaattut isigineqarput. USA-p akeratoqarsuani Korea Avannarlermi hamburgerinik takussaasoqannginnera taamaammat tupaallaatissaanngilaq.
juulip 27-at 2009 10:57

Koreamili Avannarlermi innuttaasut Amerikamiut hamburgeriliaannik maanna ooqattaarisinnaalersimapput. Koreammi Avannarliup pingaarnertut illoqarfiani Pyongyangimi neriniartarfik Samtaeseong juunip ingerlanerani ammarneqartoq Japanimi aviisit ilaat Choson Sinbo allappoq.

Kim Jong-il-ip naalakkersuisuisa kitaamiut sunniiniutaat innuttaminnut killilersimaartittuarsimavaat taamaammallu hamburgeri soorunami allatut taaguusersimavaat. "Neqi aserortigaq iffialik" Koreami Avannarlermi nerisannaarineqartartumut kimchi-mut ilaliullugu sassaalliutigineqartarpoq.

Neqi aserortigaq iffialik 1,7 dollarimik akeqarpoq, akialu Koreami Avannarlermiup ullormut isertitaata affaa sinnilaarlugu naligaa. Taamaammat neqimik aserortikkamik iffialimmik Koreami Avannarlermi ooqattaarisussat ila killeqassagunaqaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq