Korea Avannarlermi atuumimik nukissiorneq matulerpaat
Naalagaaffiit Peqatigiit atuumimik nukissiuuteqarnermut atatillugu ataatsimiititaliaani IAEA-mi ilaasortat ilaat Korea Avannarlermi illoqarfiit pingaarnersaannut Pyongyang-imut ullumi tikittut, Kinami nutaarsiassaqartitsivik Xinhua nalunaarpoq.
IAEA ukiuni tallimani aatsaat Korea Avannarlermut tikeraartitsivoq, kingullermik tappavaniikkamik anisitaasimagamik.
Ataatsimiititaliameersut sisamat Korea Avannarlermukaqqusaasimapput, atuumimik nukissiorfiup Yongbyon-imiittup matuneqarnissaanut atatillugu ikiortiserineqaramik.
Korea Avannarlermi naalakkersuisut kommunistiusut februaarimi neriorsuipput Yongbyon-imi atuumimik nukissionermi qitiusumi nukissiorneq matuneqassasoq. Matuneqarneranullu atatillugu Korea Avannarleq Naalagaaffiit Peqatigiinnit aningaasarpassuarnik, innuttaasunut atugassanik, pissarsissaaq.