Korea Avannarleq brintbombimik qaartitsivoq

Københavnip Universitetiani immikkut ilisimasalik Geir Helgesen naliliivoq Korea Avannarleq taamaaliortoq USA-mit, Korea Kujallermit Japanimiillu tatisimaneqartutut misigisimagami, taamaattumillu Korea Avannarliup sakkutooqarnikkut pissaanini takutikkusuinnaraa.

- Ersisaarinerinnaavoq. Korea Avannarleq mikisunnguuvoq, piitsuulluni pissaanilissuarnillu ungaluneqarsimalluni, Helgesen oqarpoq. Taassuma Korea Avannarleq ukiut 35-it ingerlaneranni ilisimarusarfigisimavaa.

- Taakku paasinnittaasaat naapertorlugu maannamut saassunneqarsimanngillat ulorianartorsuarnik sakkuuteqaramik, taanna oqaluttuarpoq.

Korea Avannarliup siusinnerusukkut misiliilluni atormbombet pingasut qaartittareersimavai.

Aamma atuaruk Korea Avannarleq brintbombimik misiliisimalluni nalunaarpoq

Nuna taanna piitsunnguusoq niuvernikkut mattunneqarsimasoq, imminullu assortortutut ililluni Korea Avannarleq misiliilluni qaartitseqqippoq mattunneqarsimanerminit aniguiniarluni, taamaalillunilu aningaasarsiornini pitsanngorsarniaraluarlugu, Helgesen isumaqarpoq.

- Korea Avannarleq nunanik allanik attaveqartinnani sakkussiortuassaaq. Nunaninguna allanik attaveqarusukkami taamaaliortoq, Helgesen oqarpoq.

- Nunat kitaaniittut siunnersussagukkit ima oqassaanga: Qaa Korea Avannarlermiut attaveqarfiginiarsigit. Assuarlerlugit mattullugillu unitsinneqarsinnaangittut, taanna isumaqarpoq.

Korea Avannarliup brintbombemik atuisinnaanera eqqarsaatigalugu Geir Helgesen isumaqarpoq ernumassutissaqanngitsoq.

- Tusartuartarparput iluarluassaanngitsuusut. Uanga taama isumaqanngilanga. Ilsimavaat qaartartorsuit atoraluarunikkit suujunnaartussaallutik, Korea Avannarleq pillugu immikkut ilisimasalik Geir Helgesen oqarpoq.

Korea Avannarliup brintbombemik qaartitsinera Kalaallit Nunaanni Danmarkimilu malugineqarsinnaasimasoq, GEUS tv2.dk-mut nalunaarpoq.