Korea Avannarlermiut nunanut allanut ministereqarfianit ilisimatitsissutigineqarpoq, Korea Avannarleq misileraalluni atomimik qaartitsiniartoq.
Taamaattorli Koreap Avannarliup suli anguniagariuarpaa Koreap qeqertaasartaata atomeqarfiujunnaarnissaa, pisortat nutaarsiassaqartitsiviat, KCNA, taama nalunaarpoq.
- USA-p atomi atorlugu sorsunnissamut navianartorsiortitsiuarnerata, aamma akerlerisaminut pillaaniartuarnerata tatisimanninniartuarneratalu, Korea Avannarleq atomimik misileraalluni qaartitsisariaqalersippaa, tamanna imminut illersornissamut qunusaarutigissallugu pingaaruteqarmat, Korea Avannarliup nunanut allanut ministereqarfianiit tamanna nalunaarutigineqarpoq.