Allaffimmik qaartitsineq qinngasaarinertut iliuuseqarneruvoq, ulluni arlaqalersuni oqaatsit sakkortuut Korea Kujalleq pillugu atorneqareersuullu.Assi: Kcna/Reuters/Ritzau Scanpix

Korea Avannarleq allaffimmik killeqarfiup eqqaaniittumik qaartitsisoq

Korea Avannarliup Korea Kujalliup killeqarfiata eqqaani sakkulisaarfiunngitsumi sakkutuuleeqqinnissani isumaliutigaa.

Korea Avannarliup Korea Kujalliullu killeqarfiata eqqaani illoqarfimmi Kaesongimi attaveqatigiinnermut allaffik Korea Avannarlermit marlunngornermi qaartinneqarpoq.

Allaffimmik qaartitsineq qinngasaarinertut iliuuseqarneruvoq, ulluni arlaqalersuni oqaatsit sakkortuut Korea Kujalleq pillugu atorneqareersuullu.

Nunat taakkua akornanni najummatsisimaneq annertusiartortoq

Korea Kujalliup killeqarfiata eqqaaani sakkulisaarfiunngitsumi sakkutuunik sakkulisaartunik inisseeqqittoqarnissaanik Korea Avannarleq marlunngornermi sioorasaarivoq.

Nunat taakkua akornanni najummatsisimaneq annertusivoq Korea Avannarlermit qimaasut allakanik isumaqatissarsiortunik allassimasunik 50.000-it missaannik amerlatigisunik silaannakkut Korea Avannarliup killeqarfia qaanngerlugu nassiussusimaneragaanerisa kingorna.

Allakkat silaannakkut nassiussukkat, taakkunani Korea Avannarlermi aqutsisumik Kim Jong-un-mi isonartorsiuisumik allanneqartut pillugit Korea Kujalleq qanoq iliuuseqartariaqartoq, Korea Avannarlermi aqutsisut piumasaraat.

Nunat taakua marluk aqutsisui 2018-mi isumaqatigiissuteqarlutik nalunaaruteqarput, Koreap qeqertaasaaani atominik sakkussiaqassanngitsoq akeqqersimaarlunilu iliuuttsit tamaarmik unitsinneqassasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat