Koraalit aamma sunnerneqarput

CO2-mik aniatitsineq sukkanerpaamik annikillisinneqanngippat, koraalit ikkanninnguuttut Nunarsuatsinni annersaat, Great Barrier Reefimik taaguutillit, toqullutik nunguinnissaat ilisimatuunit aarleqqutigineqarpoq.
novembarip 17-at 2009 07:43

Silap pissusaata allanngoriartornera Issittumiinnaq ajornartorsiutaanngilaq.

Allorniusani sanimukartuni Nunatsinniit ungasissumi, soorlu Australiami, silap pissusaata allanngoriartornerata kingunerisai aamma malunnarsipput.

- Tamanna nammineq isitsinnik uppernarsisinnaavarput. Koraalit Great Barrier Reefit silap pissusaata allanngoriartorneranit sunnerneqareerput, Koraalit pillugit Ilisimatusarfimmi, James Cook Universitymi, pisortaq, Terry Hughed, oqarpoq.

Great Barrier Reefit koraaliupput ikkanninnguuttartut, 345.000 kvadratmeterinik annertussusillit. Ima annertutigaat avataarsuanit allaat takuneqarsinnaallutik - taakkulu Nunarsuatsinni Kulturikkut kingornussaapput, soorlu Ilulissat Kangerluat taamaattoq.

Koraalit ikkanninnguuttartut inissisimaffianni imaq kissakkiartorpoq, koraalillu ikkanninnguuttartut qalipaatigissaaqisut toqunissaat maanna tassa ernumanarsivoq.