Kong Frederik X Danmarkimi kunnginngorpoq

Dronning Margrethep naalagaaffimmi siuttut siunersioqatigiinneranni kingullertut "Gud bevare kongen" tassa "Guutip kunngi sernigiliuk" oqaatigaa. Inilu tamatuma kingorna qimallugu.
Allattoq Christine Hyldal
januaarip 14-at 2024 11:57
Nutserisoq Connie Fontain

Dronning Margrethep tunuarniutini atsiorpaa, Naalagaaffimmi siuttut siunersioqatigiiffiat qimallugu. Danmark taamaalilluni nutaamik kunngeqalerpoq, tassa kunngi Frederik qulingat.

Frederik taamaalilluni Danmarkimi kunnginngorpoq, Marylu danskit dronningerilerlugu. Kunngikkut ernerat angajulleq, Christian maanna Danmarkimi kunngissaalerpoq.

Dronning nerriviup isuani issiavimminit nikuilluni kunnginngortumut "Guutip kunngi sernigiliuk"-mik oqarpoq.

Kunnginngortoq Christiansborg Slotip aneerasaartarfiatigut nalunaaqutaq ullup-qeqqanut anillammat ersaattaattoqangaatsiarpoq – tassanngalu innuttaasunut siullermeerluni kunngitut oqaaseqarpoq.

- (Dronning Margrethe aaqq.) kunngitut pisarnertut eqqaamaneqartuassaaq, kunngi qanoq aqutsinissaminik suliamik nassuiaannginnermini anaanani pillugu oqarpoq.

- Aqagumit kunngitut ataqatigiissitsisuulernissara neriuutigaara, kunngi oqarpoq.

Kunngip anaanaata, dronning Margrethep oqaasinnaarisaa tassaavoq: "Guds hjælp, folkets kærlighed, Danmarks styrke" -kalaallisut: "Guutip ikiuinera, inuiaat asanninnerat, Danmarkip nukinga"

Oqaasinnaarisaq oqaaseqatigiiusarpoq imaluunniit oqaatsit ataasiakkaat tassaappullu pineqartup sinnersaaffigissallugit aalajangersimasai imaluunniit inuunermik isiginninnerat. Taakku inuunermi tunngavittut imaluunniit oqaasinnaatut isigineqarsinnaasarput.

Kunngip Frederiup oqaasinnaariligaa oqaasinnaarisassaa tassaalerpoq: "Ataqatigiinneq, pisussaaffik, kunngeqarfik Danmarki pillugu".

Nutarterneqarpoq...