Kommunit sisamat tapiiffigitipput

Nunatsinni kommunit arlallit aningaasanik taarsigassarsisinneqarput. Tassalu Qaanaami, Aasianni, Uummannami kiisalu Qeqertarsuarni.

Qaanaap kommunia taama taarsigassarsinerminut peqquteqarpoq, kommunip ukiuni arlalinni akiligassat assigiinngitsut piffissaq eqqorlugu akilinngitsoortarsimammagit.

- Qanittukkut Qaanaap kommunianut umiarsuaqartussaavoq, akiligassallu qaffaqqittussanngussapput. Taamaattumik pisariaqarsimavoq, matussutissatsinnik taarsigassarsisinneqarnissarput, taama oqarpoq, Qaanaami kommunaldirektøri Alex Jørgensen-Olzazki.

Aasiaat kommunia siorna ukioq mannalu siumoortumik tapiissutinik tunineqarput. Taama ukiuni tulleriinni siumoortariaqarneq peqquteqarnerarneqarpoq, Aasianni ukiuni kingullerni sanaartukkat arlaqarsimammata. Sanaartornissamut piffissaq atugassaq sivikitsuinnaasimavoq, tamannalu kommunip aningaasaqarneranut sunniuteqapallassimalluni, aningaasartuutit, atortussanut pisissutissat, sulisullu aningaasarsiassaannut atorneqartariaqarmata.

- Aasiaat kommunia siorna 5 millioni koruuninik taarsigassarsivoq, maannalu taakku isumannaariartuaarpavut, ukioq naatinnagu akilersorlugit naammassiniarsaralugit, taama ilisimatitsivoq Aasiaat kommuniani kommunaldirektøri Hans-Peter Kristensen.

Uummannap kommunia ukioq manna 3 millioni koruuninik tapiissutinik siumoortinneqartariaqarsimavoq, tamannalu naatsorsuutaareeraluartumik akileraarutinik isertitaqanngitsoorsimanermik peqquteqarpoq.

Ilaatigut piniagassaalatsineq peqqutaalluni.

- Aningaasaqarnermut ataatsimiisitaliaq aggustip qulingani tamatuma qanoq iliuuseqarfigineqarnissaa pillugu ataatsimiittussaavoq, taama oqarpoq, Uummannami kommunaldirektøri Jens-Oluf Lundgren.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat