Kommunit sisamat inissittut sinneri suli isumaqatigiinniarput

Nuuk Nanortalik Upernavik Qasigiannguillu borgmesterissatik qanorlu suleqatigiittoqassanersoq maanna aalajangiutereerpaat. Kommunit sinneri suli isumaqatigiinniarput.

Nanortalimmi siornatigut borgmesteriusarsimasoq Tage Frederiksen siumumeersoq borgmesterinngussaaq, Nanortalimmi Siumut, Demokraatit Inuit Ataqatigiillu suleqatigiilissapput.

Upernavimmi siumumeersoq Ole Thorleifsen borgmesterinngussaaq, siumut Atassullu Upernavimmi suleqatigiissasut, siumumiit naqissuserneqarpoq.

Qasigiannguani taaneqarnermpaaq Siumumeersoq Jess Svane borgmesterinngussaaq. Partiit kattusseqatigiillu suleqatigiinniarlutik isumaqatigiipput.

Kommunit sinnerini suli isumaqatigiinniarpput.

Narsami kina borgmesterinngussanersoq nalunarpoq, taaneqarnerparli Kiista P. Isaksen ilimanaateqarsinnaavoq, Narsami siumut sisamanik, IA pingasunik isertitaqarpoq, Atassullu marlunnik isertitaqarpoq.

Qaqortumi Simon Simonsen siumumeersoq IA-mik suleqateqarusuttoq borgmesterinngussagunavippoq.

Tasiilami Illoqqortoormiunilu siumut amerlanerussuteqarput. Illoqqortoormiunili siumut ataatsimik annaasaqarmat Evald Brønlund IA-meersoq borgmesterinngoraataannaavoq, Siumut Atassullu suleqatiginnianngippata.

Qeqqertarsuarmi Lars Karl Jensen oqarpoq Atassut suleqatigiumanagu. Augusta Sallingilu qinigaanerpaaq borgmesterinngorniaruni ilungersortariaqassaaq.

KANUKOKAmit ilimagineqarpoq Maji tikillugu isumaqatigiinniarnerit ingerlasinnaasut.