Kommunit qulit meeqqanut politikkeqanngillat

Naak kommunit meeqqanut inuusuttunullu politikkiliornissaminnik KANUKOKA-p 2001-mili ataatsimiinnerani neriorsoqatigiikkaluarlutik, kommunit qulit suli politikkeqalinngillat.

KANUKOKA-p siulittaasorisimasaata, maanna Uummannami borgmesteriusup Inatsisartunilu ilaasortaasup, Jens Lars Fleischer-ip, tamanna Inatsisartunut suliassanngortinniarlugu piareersimavoq.

Narsap borgmesteria Kiista P. Isaksen, kommuninut ima kaammattuivoq:

- Kommunit tamarmik meeqqanut inuusuttuaqqanullu politikkeqarnissaat pingaartorujussuuvoq.

Iskasen aperaarput politkikkeqannginneq suusupaginninnermut imaluunniit tunniutiinnarnermut takussutissaanersoq, akivorlu:

- Isumaqarpunga kommunit tamarmik meeqqanut inuusuttuaqqanullu pitsaanerpaamik sullisserusukkaluartut. Poltikkiliornissaq nutaraaffigisimasinnaavaat, taamaasillutillu peqanngitsoorlutik. Politikkeqalernisarli pingaaruteqartorujussuuvoq, tassuuna meeqqat inussuttuaqqallu qanoq sullinneqarnissaat ikiorserneqartarnissaallu ungasinnerujussuanngussagami peqanngikkunik.

Kiista P. Isaksen Itisiliinermi Jens Thorin-imit apersorneqarpoq. Itisiliineq tamaat tusarnnaarumagaanni, nittartakkakkut nassaarineqarsinnaavoq ugguuna:

www.knr.gl/itisiliineq