Kommunit: Pingaarutilimmik suliallit meeqqatik atuariartortissinnaavaat

Nuummi atuarfiit meeqqeriviillu matoqqapput. 

Tassami nuummi najugaqartut marluk coronavirusumik tunillanneqarsimapput. Nunatta sinnerani tunmillanneqarsimasunik suli naammattuuisoqanngilaq, taamaakkaluartoq nunatta sinnerani atuarfiit tamarmik ataasinngorpat marsip 23-aniit ulluni 14-ini matoqqassapput.

Nunatsinnilu kommunit tallimaasut atuarfinni upalungaarsimanermut pilersaarusiorput.

Kommunit ataatsimoortumik taama oqaaseqaateqarput.

- atuarfiit ammatinneqassapput, meeqqanut, angajoqqaavi inuiaqatigiinni atorfeqarnerat pissutigalugu matuneqanngitsut, allamillu paarsisussaqartitsinngitsunut, kommunit allapput.

AAMMA ATUARUK Coronavirusip ernumassutigineqarnera: Atuarfiit timmisartuussinerillu matulersut

Nuna tamakkerlugu ilinniartitsisut atuarfinnut suliartussornissaq suli pisussaaffigivaat. Taakkunanngaanniit alimasissumit atuartitsinissaminnut pisariaqartunik aaqqissuussissapput, aammalu meeqqat, angajoqqaavi sulisariaqarpata paarsisussaatitaassallutik.

-Meeqqat ilikkagaqarnissaat, ilinniartitsisut sulinissaat imaluunniit inuiaqatigiit ataatsimut eqqarsaatigalugit tamanna peqqutigalugu unittoortoqannginnissaa Kommuninut pingaaruteqarpoq erseqqissassallugu, kommunit allapput.

Tamatta ataasimoorluta nualluutip kingunerisaanik suliassanik nutaanik suleqatigiissuteqartariaqarpugut. Matumani immikkorluinnaq pisoqarnerani ilinniartitsisut akisussaasut angajoqqaallu suleqatigiinnissaat kommunit tatigivaat, taamaalilluta inuiaqatigiinni uninnata ingerlaannarniassagatta.

Naalakkersuisut siulittaasuat Kim Kielsen pingasunngormat nalunaarpoq, inuk ataaseq alla, Nuummi najugaqartoq, aamma tunillanneqarsimasoq. Tamanna Nuummi najugaqartunut maleruagassanik sukaterinermik kinguneqarpoq, Nuummi atuarfiit pingasunngornermi atuareernermi matullutik.