Kommunit oqallisilernerat iluarinartinneqartoq

Sisimiut kommunalbestyrelsiata tunumi kommunit komuuneqatigilernissaat orniginartinngilaa.

Tunumilu kommunit Sisimiormiut taama isumaqarnerat paasisinnaalluarpaat, annerusumilli ataatsimiititaliamit paasitinneqarsimannginnamik isummeruminaatitsipput.

Illoqqortoormiut borgmesteria isumaqarpoq, pinngitsoorneqarsinnaanngitsoq Tasiilarlu konmmuneqatigiilernissartik.

Aaqqissuussaanermut isumalioqatigiissitap siulittaasuata Martha Labansenip kattunnissamik kattutinnginnissamilluunniit oqallinnerit maannangaaq aallarnerneqarpata iluarinartuutippaa.

- Kommunit ataasiakaat siunnersuummut qanoq isumaqarnerlutik nalilersuilernerat tulluarluinnarpoq, Martha Labansen oqarpoq.

Sisimiut kommunalbestyrelsiata kommunit angisuut pilersineqarnissaanut isumaqataanerat nuannaarutiginerarpaa, eqqaamaneqaqquaalu kommunit avinngarusimasumiittut ilanngullugit siunnersuusiortariaqaramik taamaaliortariaqarsimapput.

Kangerlussuaq Sisimiut nunaqarfigimmagu mittarfeqarlunilu tunumi kommuninut qaninnerusutut nalilersimanerarpaat, taamaammat siunnersuut taama isikkoqarpoq. Ingerlatsinermi aningaasaqarnerlu pissutigalugit Tasiilaq Illoqqortoormiullu kisimik kommuniusinnaanngillat, kommunimmi angisuut pilersinniarpavut.

Aaqqissuussaanermut isumalioqatigiissitat siulittaasuat Martha Labansen aamma oqarpoq kommunit kattussuunissaat pillugu maannangaaq oqallittoqalerpat, assigiinngitsunik isummanik katersiffiusinnammat. Isumalioqatigiissitat tullianik saqqummiunniarpaat kattussuutereernerup kingorna qinersisarnermut maleruagassanut siunniussat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat