Kommunit kattussuunnissaat pillugu ataatsimititaliaq inuttalerneqarpoq
Nunanut allanut sillimaniarnermullu ataatsimiititaliami siulittaasumut tullersortinngorpoq, Lars-Emil Johansen taarserlugu, Aalisarnermut Piniarnermut Nunalerinermulllu ataatsimiititaliami aamma Inuussutissarsiornermut ataatsimiititaliami Jonathan Motzfeldt siulittaasunngorpoq. Ataatsimiititaliani allani arlalinni Jonathan Motzfeldt ilaasortaaffeqalerpoq.
Nunat Avannaarliit Killiit Siunnersuisoqatigiiffianni Jonathan Motzfeldt ilaasortaavoq, soorluttaaq Namminersorneq pillugu Ataatsimiititaliarsuarmi kalaallit nunaat sinnerlugu siulittaasutut inissisimasoq.
Inatsisartuni ataatsimiititaliani ilaasortaat allannguuneqanngillat, Jonathan Motzfeldtip ilaasortaaffeqalernerata saniatigut.
Inatsiartuni illuatungiliuttut ataatsimiititaliami ataatsimi siulitaasuutitaqalerput, tassalu kommunit kattussuunnissaannut ataatsimiititaliami Inuit Ataqatigiit inatsisartuni ilaasortaatitaat Ane Hansen siulitaasutut qinerneqarmat. Inuit Aqatigiit Demokraatit Kattussueqatigiillu Ane Hansen kommunit kattussuunnissaat pillugu ataattsimiititaliami siulittaasussasut toqqarpaat, naalakkersuisooqatigiillu Siumut Atassullu Lars-Emil Johansen ataatsimiititaliami siulittaasussatut toqqarlugu. Tamarmillu pingasunit taaneqartussanngormata, ataatsimiititaliaq isumaqatigiilluni Ane Hansen siulittaasussasut toqqarpaat.
