Kommunit kattunnissaat innuttaasut peqatigalugit pissaaq

Kalaallit Nunaanni kommunit kattussuunnissaanik ataatsimiititaliap suliani inaarsarnialerpaa innuttaasullu oqallisissaaleqissanngillat Kalaallit Nunaata ingerlalluarnerulernissaa kommunit nutaamik aaqqissussaanerisigut qulakkeerniarneqarmat.

Kommunit nutaamik aaqqissuussaanissaannik ataatsimiititaliaq ukioq ataaseq qaangiuppoq naalakkersuisunit pilersinneqarmat. Misissugassat pingaarnerit ilagisimavaat sulilu ilagalugu kommunit qanoq ilillutik maannakkornit pitsaanerusumik akikinnerusumillu sulilissanersut, kommunellu tamanna anguniarlugu qanoq ilillutik suleqatigiilissanersut kattussuullutilluunniit.

Kattussuussinnaanermut atatillugu Nuuk nammineerusunnerugaluarpoq, kisianni Nuup, Maniitsup Sisimiullu suleqatigiilereernerisigut periarfissatut maanna taakkarsorneqartoq tassa kommunit taakkua pingasut kattunnissaat taamalu kommunerujussuanngorlutik katillugit 24.000-t missaaannik innuttallit, aaqqissuussinerlu taanna tamaviaarunniarneqarpat Nuup borgmesteria Agnethe Davidsen oqaluussassaagunartutut oqamisaareerpoq,  aammali periarfissatut qissimallattaarneqalersoq tassa Nuup, Paamiut Ivittuullu kommuneqatigilersinnaagai innuttaasut katillutik 17.000-it missaannik amerlassuseqaleerlutik.

Periarfissaq taanna Paamiut aajornartorsiuteqaqqajaajuartut iluarinarteratarsinnaavaat, kisianni Ivittuut inunnik isumaginninnermut aningaasartuuteqannginngajattut orniginartigunarnagu.

Kommuninik aaqqissuussinissamik ataatsimiititaliap aamma takorluugaanut ilaavoq Nammminersornerullutik Oqartussat suliamik ilaannik kommuninut nussuinissaat, tamakkunannga taaneqartunut ilaaallutik uuliamik pilersuinerup radiokkullu siammarterinerup kommuninit tiguneqarnissaat.

Kommissionip ataatsimut isigalugu siunnersuutigaa Kalaallit Nunaat kommuninut pingasunut aggorneqassasoq – naluneqanngitsutut maanna kommunit 18-iupput.

Nuup, Maniitsup Sisimiullu borgmesterii Nuummi ataatsimeeqammerput, kisianni tassanga suli tusagaqanngilagut, ippassarlu unnukkut Nuummiut katersortarfimmi ataatsimiitinnneqarput, tassanngaanillu suli oqaaseqartitsisinnaasimanngilagut, ullumikkullu ulloqeqqata siorna Nuup kommuneata Paamiut Ivittuullu aallartitaannik ataatsimeeqateqarnissaraluat paamiormiunit kinguartinneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat