-Uagut Paamiuni Utoqqaat Peqatigiiffianit qilanaareqaarput kommunit kattunnissaat, isumalluaqaagut neriukkatta kommunerujussuup iluani utoqqaat assigiinnerusumik pitsaanerusumillu kiffartuunneqalissasut, taama oqarpoq Sem Willumsen Paamiuni Utoqqaat Peqatigiiffiata siulittaasua.
Pissanngatsigisorujussuuvarput. Kisianni soorunami piareersimassaagut Utoqqaat Peqatigiiffianinngaanniit. Ullumikkut nunatsinni kommuneqarfiit assigiinngitsuni isumalluarfigisarigaluagut amma kommunitsinni isumalluarfigisarigaluakkavut annertungaatsiartumik pakatsiffigisarpavut.
Soorlu sutigut?
Soorlu utoqqarnut allanullu inunnik isumaginninnikkut, meeqqanut, meeqqerivinnut. Assigiinngitsorparparujussuit pilersaarutigineqartarput kommuninut qineqqusaarnerminni.Kisianni kommuninngoraangamik annertunerusumik naammassineq ajorpaat.
Isumaqarpunga kommunerujussuanngornikkut tamakkua, soorlu assersuutigalugu Nuumminngaanniit Illoqqortoormiut ilanngullugit, suleqatigiinnermikkut isumaqarpunga ullumikkorninngaanniit pitsaanerusumik assigiinngitsunik sullissinermikkut isumaginninnikkullu, meeqqaninngaanniit utoqqarnut, isumaqarpunga assigiinnerusumik pitsaaneusumillusiunissaqassasugut.
Taama oqarpoq Sem Willumsen, Paamiuni Utoqqaat Peqatigiiffiata siulittaasuat, sapaatip akunnerata naanerani utoqqaat kujataamiut Narsami isumasioqatigiinneranni peqataasoq.
