Kommunit kattunnerat Kommuneqarfik Sermersuup missingersuutaanut eqquivoq
Allaffissornermi sulisunik nutaanik atorfinitsinerit unitsinneqarput taamatullu sulinermut atatillugu angalanerit pinaveersaartinneqalerlutik.
Sulinermut atatillugu angalanerit pisiariaqartinneqarsimapput, tunumi illoqarfinnilu allaani sulisunik pisariaqartinneqartunik naammattunik atorfeqartoqanngimmat, taamaattumillu atorfillit immikkut ilisimasallit Nuummiit tunumut illoqarfinnullu allanut aallartinneqartariaqarsimallutik, Komuuneqarfik Sermersuumi pisortaanerugallartoq Thorkild Lauridsen oqarpoq. Kommuunit tallimaasimasut maannakkut kommune ataasinngornerata kingorna aaqqissuunneqarnera ingerlanneqaleruttorpoq. Siornatigut kommuunit tallimaasut ,allaffeqarfii tallimat, allaffeqarfittut ataasinaanngortinniarlugu maannakkut aaqqissuullugu suliarineqarpoq tamannalu ataatsikkut suliarineqarsinnaanerat ajornakusoortorujussuuvoq Thorkild Lauridsen oqarpoq. Kommuunip missingersuutinik qaangiisimanera pissutigalugu allaffissornermi sulisunik nutaanik atornititsineq unitsinneqarpoq. Taamaattoorli atorfinititsisoqassappat, kommunimi immikkoortortaqarfiit pisortaat atorfinititsisassapput, tassani qulakkeerniarneqarluni atorfinitsinneqartut ilumut kommuunerujussuarmi nutaajusumi pinngitsoorneqarsinnaannginnnersut.
Thorkild Lauridsen oqarpoq. Kommuunit kattunnerisa kingorna Kommuneqarfik Sermersuumi illoqarfiit Nuup avataaniittut ingammillu tunuumiittut, sulisunik ilinniarsimasunik amigaateqarput, tamatumalu kingunerisimallugu, atorfillit immikkut ilisimasallit, tunumut illoqarfinnullu allanut atorfimminnut atatillugu angalasariaqartarsimanerat, tamannalu missingersuusianik qaangiinermut pissutaaqataallutik. Atorfimmut ataatillugu angalanerit nalilersoqqissaarneqartalerput, Thorkild Lauridsen oqarpoq. Kommuneqarfik Sermersuumi aappaagumut 2010-mut
missingersuutit maannakkut suliarineqarneranni akileraarutitigut qaffaasoqarnissaa naatsorsuutigineqannigitsoq Kommneqarfik Sermersuumi pisortaanerugallartoq Thorkild Lauridsen oqarpoq.
