Imigassamik pinngitsuuisinnaanngitsut kingunerlutitsisut katsorsarneqarnissaat peqqinnissaqarfiup  akisussaaffigaa, kommuunillu suliassarinagu.Kommuneqarfik Sermersuumi Isumaginninnermut Suliffeqarnermullu Pisortap Isak Nielsen Kleist oqarpoq.

Kommunit imigassamut inerteqquteqarneq pillugu: Atornerluisut kingunerlutsitsisut suliassarinngilagut

Imigassamik pinngitsuuisinnaanngitsut kingunerlutitsisut katsorsarneqarnissaat peqqinnissaqarfiup akisussaaffigaa, kommunit taama oqarput. 

Imigassap marsip 28-at nalunaaqutaq 20.00-imit inerteqqutaalerneranut atatillugu erseqqinngitsoqalerpoq.

Imigassamik atornerluisuusut immiaaqqanik, viinninik imigassamilluunniit pissarsisinnaajunnaariataartut kikkut akisussaaffigaat?

Kommuneqarfik Sermersuumi Isumaginninnermut Suliffeqarnermullu Pisortap Isak Nielsen Kleistip oqanera naapertorlugu, imigassamik pinngitsuuisinnaanngitsut kingunerlutsisut Peqqinnissaqarfiup akisussaaffigigai:

- Apeqqut taanna pillugu ima oqassaanga  peqqinnissaqarfiup tamanna akisussaaffigaa, Isak Nielsen Kleist taama oqarpoq. 

Naalakkersuisut siulittaasuat Kim Kielsen ataasinngornermi tusagassiortunik katersortitsinermi Nuummi, Kapisilinni Qeqartarsuatsiaanilu imigassamik aalakoornartortalinnik 2,25-imit volumenprocenteqarnerusunik tuniniarneqartarnerat sassaalliutigineqartarnerallu inerteqqutigineqarallassasut nalunaarutigigamiuk taamak oqariartuuteqanngilaq,

AAMMA ATUARUK Nuummi, Kapisilinni Qeqertarsuatsiaanilu imigassat matuneqarallartut

- Kommunit tamavimmik taamatut innersuussaqarnerat eqqarsaatigalugu takorlooreersimassavaat aamma innuttasut ilaqartugut imerajuttunik. Taava isumaginninnikkut qanoq iliuuseqarnissartik aamma piareersarfigereersimassavaat, Naalakkersuisut siulittaasuat Kim Kielsen taama oqarpoq.

Imigassat matuneqarnerisigut, immiaaqqat, viinnit imigassallu kimittuut aprilip ulluisa 15-ata tungaanut tuniniarneqarsinnaajunnaarput.

Aamma imigassamik pinngitsuuisinnaanngitsut Nuummi nunaqarfinnilu marlunni pineqarput.  

AAMMA ATUARUK Pinngitsuuisinnaanngitsut aalakoornartumik inerteqquteqarnermi kingunerluuteqartupilussuusinnaasut

Tamannalu imigassamik pinngitsuuisinnaanngitsunut ajornartorsiortitsisinnaasoq,

Allorfimmi pisortaq Birgit Niclasen imigassamik pinngitsuuisinnaanngitsut kingunerlutitsisarnerat pillugu ima oqaluttuarpoq: 

- Imigassamik aalakoornartortalimmik imersinnaajunnaarnermi kingunerlutsitsinermut atatillugu kingunerlutsitsilluni noqartoqarsinnaanera, sivisuumik imagassartorsimalluni imerunnaarnermi takorruuisoqarsinnaanera paatsiveerusimalertoqarsinnaaneralu aarlerinarsinnaapput, Birgit Niclasen oqarpoq.

Allorfik Namminersorlutik Oqartussat ingerlataraat. 

AAMMA ATUARUK Meeqqat illersuisuat imigassamik matusigallarneq pillugu: Eqqissiallaataavoq

Imerajuttuunermit kingunerluutit ulluni arfineq-marlunni quliniluunniit sivisussuseqarsinnaasut, Birgit Niclasenip knr-mut oqaluttuaraa.

Taamaattorli Naalakkersuisut miserratiginngilaat innuttaasut ilaat akuttunngitsumik annertuumillu imigassamik atuisuusut pisumi taamatut ittumi immikkut ikiorneqarnissamik pisariaqartitsilersinnaammata.

Taamaattumik Naalakkersuisut erseqqissaatigaat, tassanngaannaq pisuni, assersuutigalugu imigassamik kingunerlutitsinerni imaluunniit katsorsarneqartariaqarnerni, saaffiginninnissanut periarfissat eqqumaffigineqassasut.

Allorfimut saaffiginninnissaq ulluinnarni pisinnaavoq oqarasuaammut 80 11 11-mut sianerluni nalunaaqutaq 08:15-ip 10:00-illu akornanni, taava ulloq unnuarlu sianerfigineqarsinnaasumut 34 44 00-mut.

Allorfik Nuummiittoq ulluinnarni nalunaaqutaq 09:00 aamma nalunaaqutaq 15:00 akornanni sianerfigineqarsinnaavoq, normumut 53 12 42-mut imaluunniit allaffigineqarsinnaavoq sermersooq@allorfik.gl -mut

Pissutsit coronamut tunngasut pissutigalugit oqarasuaatikkut mailikkulluunniit saaffiginnittoqartarnissaa innersuussutigineqarpoq, 

AAMMA ATUARUK Meeqqat illersuisuat: Angajoqqaat coronavirusi ernummatigaluga saaffiginnittorpassuupput

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat