Borgmesterit nunatsinneersut ataatsimiinnertik Københavnimi Hotel Imperialimi suli ingerlappaat.
Kommunit aaqqissuuteqqinneqarnissaasa kinguartinneqarnissaat borgmesterit piumasarissallugu aalajangerput, taanna maajip ulluisa aallaqqaataanni 2009-mi pinnani januaarip ulluisa aallaqqaataanni 2010 taamaalilluni pisussanngorlugu.
Københavnimi ilanngutassiortorput, Rosa Thorsen, ungasinngitsunnguakkut taama ilisimatitsivoq.
Tusagassiutinut nalunaarutissaq borgmesterit massakkorpiaq misissoqqissaarpaat, tusagassiutinullu nalunaarut Inatsisartuni aalassatsitsissagunavippoq.