Kommunit eqeersarneqarput
Eqeersarneqarput, massakkullu innarluutillit isertarfii iliuuseqarfigitittariaqarpagut, Svane Simonsenilu radioaviisimut oqarput.
Borgmester Simon Simonsenip teknikkeqarfimmi pisortani peqqoreersimavaa allaagaqaateqaqqullugu isertarfiit iliuuseqarfigeqqulugit, inatsillu eqqumaffigeqqullugu. Namminerlu ajornartorsiortitsisuunertik aamma nassuerutigaa:
- Kommune innarluutilinnut isertarfeqanngilaq ilungersorluta ukiup tullianut missingersuutinut ilanngunniarparput, oqarpoq.
Jess Svane Qaasuitsup kommuniani borgmesteri oqarpoq: Eqeersarneqarpugut akisussaaffigut iliuuseqarfigisinnaaqqullugit. Pisiffik saaffigineqartussaanerarpaa iserfigiuminartumik isertarfeqaqqullugu. Akileraarnermut allaffiup piginnittaa oqarpoq pilersaarutaareersoq isertarfilernissaa. Aqqusinermulli isertarfik qanippallaarmat allaffiup tunuatigut isertarfilerneqartussaasoq unnerpaa.
