Sulisut ilinniarluarsimasut amigaatigineqarnerpaatut Danmarkimiit ikiorneqarnissamik kissaatini allaqqapput.Assi: Merete Lindstrøm

Kommunit Danmarkimut sulisunik, inissanik ilinniarsimasunillu ikioqqusut

Inissat nutaat, sulisut ilinniarluarsimasut isumaginninnikkullu suliaqartut piginnaanngorsarnissaat, ilaatigut tamakkuupput kommunit isumaginninnermut tunngassuteqartunik Danmarkimut ikioqqunerminni kissaataat.

sulisut 65-it Danmarkimimeersut. Tassa kommuniit kissaataat tigussaasut, Martha Abelsenip isumaginninnermut tunngasuni ikioqqulluni Danmarkiliaruni nassatasssaa.

AAMMA ATUARUK Naalakkersuisut bøjer sig: Vi beder Danmark om mere hjælp til børn i Tasiilaq

Inatsisartut Naalakkersuisut isumaginnninnermut tunngasuni Danmarkimit ikioqqunissaannik maajimi piumaffigaat. Tamanna pimmat naalakkersuisup danskit isumaginninnermut ministeriat juulimi naapippaa, nunatsinnilu kommunit tamatuma kingunitsianngua naapillugit.

Kommunit Danmarkimiit ikiorneqassagunik sulianik aalajangersimasunik sutigut ikiorneqarnissartik kissaatigissanerlugu ataatsimiinnermi nalunaarsueqquneqarput.

Atorfilittat sulisussanngortut

Kissaatit naammassimmata KNR-imit pissarsiarisagut ilinniagalinnik amerlanerusunik, najugaqarfinnik nutaanik, paaqqutarinnittarfinnik, sulisut oqartussallu suleqatigiinnerunissaanik sulisooreersullu piginnaasaaannik qaffassaanissamik imaqarput.

Taava atorfilittat Danmarkimeersut nunatsinneersullu suleqatigiillutik kissaatit qanoq timitalerneqarnissaa misissussavaat.

AAMMA ATUARUK Tarnip pissusaanik ilisimasallit amerlasuut amigaataapput

Kommuneqarfik Sermersooq piffissamut sivikinnerusumut sulisunik 17-inik taavalu Tasiilami sulisunik piginnaanngorsarnissamik kissaateqarpoq.

Siunissarlu ungasinnerusoq eqqarsaatigalugu meeqqat illersorniarlugit siusissukkut pinaveersaartitsinissamik suliniummik aallartitsinissaaq kommunip aamma neriuutigaa.

Kommune Kujallermi inunnik isumaginninnermi siunnersortit qulit, tarnip pissusianik ilisimasallit pingasut Narsami, Qaqortumi Nanortalimmillu agguataarneqartussat kissaatigai. Taava aamma nunaqarfinnut savaateqarfiinullu orniguttarnissamut aningaasanik kissaatigineqarluni. Kiisalu peqqinnerulernissamut pinaveersaartitsinermullu sulinermi ikiorneqarnissamik kissaateqarluni.

AAMMA ATUARUK Erseqqissumik kisitsisitaliisinnaanginneq pillugu Martha Abelsen oqarpoq: Kommuninit kisitsisit katersorpagut

Qeqqata kommuniata tarnip pissusianik ilisimasallit arfinillit isumaginninnikkullu siunnersortit arfinillit, inuunerissaasut qulingiluat perorsaasullu sisamat Sisimiuni Maniitsumilu agguataarneqartussatut kissaatai. Taava aamma sulisumik siunnersorneqarnerunissaat ilinniartinneqarnerunissaallu kissatigai.

Avannaata kommuniata utaqqiisaagallartumik sulisut qulit kissaatigai, taakkulu sunik aalajangersimasunik suliaqarnissaat nalunaarutigineqarsimanngillat. Tamatuma qaavatigut ilaqutarinnut sullissivimmik, Majoriamik ukuiqanngitsuniik arfiniluinnut ukiulinnut ulluunerani paaqqinnittarfinnik kiisalu Kullorsuarmi Qaanaamilu inissianik marlunnik initalinnik pilersitsinermi ikioqquvoq.

AAMMA ATUARUK Martha Abelsenip Danmarkimut kissaatai aajuku

Kommune Qeqertalik tigussaasunik kissaateqanngilaq. Isumaginninnermut tunngassuteqartut suliat namminneq naammassisinnaagitsik, kommune isumaqarpoq. Politiiniillli pinaveersaartitsinerunissaq kissaatigaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat