Kommunit arnaqarfiupput
Nunatsinni kommunit arnanit aqunneqarput.
Arnat angutillu nunatsinni kommunini sisamani annerni agguataarsimanerat isigissagaanni taama isikkoqarpoq.
Nuup kommuniani sulisut sisamaagaangata arnat pingasuusarput, Sisimiuni Qaqortumilu pingasuugaangata marlungajaasarlutik. Ilulissat kommuniani sulisut tallimaagaangata sisamat arnaasarput.
Kommunilli allaffeqarfii isigissagaanni pisortat eqqarsaatigalugit isikkoq allanngorpoq. Kommunini direktørit sisamaagaangata, arnaq ataasiinnaasarpoq. Aningaasaqarnermilu immikkoortortaqarfinni pisortat pingasuugaangata ataaseq arnaasarluni. Teknikkeqarfiiit immikkortortaanni pisortat qulingiluaagaangata ataasiinnaq arnaasarpoq.
Isumaginninnermili immikkoortortaqarfinni arnat amerlanerupput. Tassani pisortat arfiniliugaangata tallimat arnaasaramik.
Kommunini politikerit eqqarsaatigalugit arnat aamma ikinnerupput. Nunatsinni borgmesterit 18-iusut iluanni taamaallaat sisamat arnaapput, kommuninilu politikerit sisamararterutaannaat arnaallutik.