Kommunit aningaasanik tigoriaannarnik amikkittooqqajaasarput
Namminersornerullutik Oqartussat akiligassaannik kommunit akilerallakkamik makkununnga tunngasut utertinniapiloornerat, Qaasuitsup kommuniani borgmesterip Jess Svanep, ima oqaatigai.
- Innarluutilinnik sullissineq, ulloq unnuarlu paaqqinnittarfinni sullissinernit minnerunngitsumillu akileraarutit kommunit pisassaat assut kingusissumik tunniunneqartarput, taamaattumik aningaasanik tigoriaannaateqarnerput killissamineerusaartarpoq.
- Isumaginninnermik suliaqartut ippassaq ilisimatippaatigut 30 millioni koruunit anguneqartartut Namminersornerullutik Oqartussat kommuninut utertitassaat ulloq unnuarlu inissiisarnernut aamma innarluutilinnut sullissisarnernut aammali akileraarutinut tunngasuupput. Tamakku uagutsinnut tusiapillaatitsipput. Oqaloqatigiinnerilli maannakkut aallartipput, Jess Svane oqarpoq.