Kommunit affaasa amigartooruteqarnissartik naatsorsuutigaat

Nunatsinni kommunit 18-iusut affaasa, tassa qulingiluat, ukiormanna amigartooruteqarnissartik naatsorsuutigaat. 2008-mut missingersuutit KANUKOKA-p nittartagaani saqqummiunneqartut tamanna takutippaat.
Allattoq Louise M. Kleemann
maajip 21-at 2008 08:19

Kommunit amigartooruteqarnissaminnik ilimagisaqartut amigartoorutissaat katillugit 177 millioni koruunit ataatilaarlugit amerlassuseqarput, tassani Nuup Kommunia amigartooruteqarfiunerpaasussatut inissisimalluni.

Kommunit amigartooruteqarnerpaasussat pingasut tassaapput Nuuk, Sisimiut aamma Nanortalik.

Nuup Kommunia 108 miliuunit koruuninik ukiormanna amigartooruteqassangavoq, Sisimiuni 33 miliuunit koruuninik amigartooruteqarnissaq naatsortigineqartoq, kiisalu Nanortallip kommunia 13 millioni koruuninik amigartooruteqassangavoq.

Uummannap Ilulissallu kommunii sinneqartooruteqarfiunerpaassangatinneqarput, tamarmik immikkut 4 miliuunit koruunit missaannik sinneqartooruteqassangagamik.

Kangaatsiami Qaanaamilu aamma sinneqartooruteqarnissaq siunniunneqarpoq, tamarmik immikkut 3 miliuunit koruunit sinnilaannguarlugit sinneqartooruteqassangagamik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq