Kommunip taaguutissaa: Kommune Kujalleq
Kujataani ikaarsaariarnermi ataatsimiititaliap, pingasunngornermi juunip ulluisa aqqarnanni, ataatsimiinnerminni kommunip taaguutissaa aalajangiuppaat, tassaasoq Kommune Kujalleq.
Allattoq Louise M. Kleemann
juunip 13-at 2008 11:19
Taamatut atsiinissamik siunnersuuteqartoq, Lutti Knudsen, Qaqortumeersoq, 10.000 koruuninik akissarsitinneqarpoq.
Kommunip ilisarnaatissaatut toqqaanermi savaateqarneq aallaavigineqarpoq savallu niaqua ilisarnaatitut atorneqarluni. Kommunip Kujalliup ilisarnaatissaa, Kalaallit Nunaata erfalasuanut eqqaanartumik, aappaluttumik qaqortumillu qalipaateqartinneqarpoq.
Sys Abrahamsen, Qaqortumeersoq, ilisarnaammik sanasuuvoq, tamannalu 10.000 koruuninik akissarsissutigaa.
