Kommunip qimmit angalaannartut toqorarniarai

Qaasuitsup Kommuniani qimmit erngerlutik pitunneqassapput. Taamaanngippat qimmit toqunneqarsinnaapput. Qaasuitsup Kommunia tusagassiutit taama allappoq.

Kommunip kommunip illoqarfiini qimmit angalaannartorpassuit innuttaasunut aqqusinernilu angallaffiusuni navianartorsiortitsisinnaasut isumaginiarlugit immikkut ittumik suliniuteqalerpoq.

Qaasuitsup Kommuniata qimmiutillit ima ilioqqusaapput:

• Qimmit qaammatinik arfinilinnik utoqqaassusillit tamarmik pitunneqarsimanngikkunik qimminut ungaluusalimmiissapput.

• Qimmiutillit qimmiminnik isumaginninnissaminnut ullunik 14-inik periarfissinneqarput.

• Qimmiutillit tamarmik qimmiminnut akisussaasuupput.

• Kommunip politiit suleqatigalugit qimmit aggustip arfineq pingajuata kingorna angalaannartut kommunip qimmilerisuannut toqutsissavaat, aaqqissuussineq ullumit tassanga atuuttuaannalissasoq kommuni allappoq.

- Qimmit toqunneqarneranut piginnittut taarsiiffigitinnavianngitsut kommuni allappoq, qimmillu pisariaqanngitsumik toqunneqassanngippata innuttaasut qimmiminnut isumaginneqquneqarput.