Kommunip GSG aningaasarsiutaasinnaanera upperinngikkaa
Tamannali tusarniaanermut akissummi eqqarsaatigilluagaanngitsutut Kommuneqarfik Sermersuumit nalilerneqarpoq. Oqariartuugaat, GSG pilersinneqassappat aningaasartuutaareertut saniatigut Nunarput 31 millionit koruuninik aningaasartuutaasalissasut.
Nunatta nammineq paasissutissanik katersisalernissaanut tunngavilersuutigineqarpoq aningaasat misissuinermut atorneqartartut Nunatsinnut tuttalernissaat.
Aningaasat isaalernissaat upperineqanngilaq
Aatsitassaqarnermut naalakkersuisoqarfiup nunamik sajupillatsitsinernit paasissutissat aammalu qillerilluni misissuinerit milliardilikkaanik naleqarneraanera, Kommuneqarfik Sermersuumi upperineqanngillat.
- GSG-p pilersinniarnerani paasissutissat tamakkua iluanaarutigisarnissaat tunngaviuppat maluginiaqquneqarpoq, Nunaoili qanoq ingerlasimanersoq. Tassani isertitassatut naatsorsuutigineqartut pissarsiarineqarnikuunngillat, Kommuneqarfik Sermersooq allappoq.
AAMMA ATUARUK GSG ukiumut 50 millioninik akeqartassaaq
Tamanna eqqaamallugu Nunatta 31 millionit koruuninik aningaasartuuteqarnerulersinnissaa eqqarsaatigilluagaanngitsoq, Kommuneqarfik Sermersooq isumaqarpoq. Aamma GSG GEUSimit naammassisaqarnerusinnaasorinngilaat.
Aamma GSG allagaatininik takunnissinnaannanermut malittarisasssanit ilaatinneqannginnissaanik siunnersuut Kommunip ajuugaasutigaa.