Kommuninik aaqqissuusseqqinneq ataatsimiititaliami

Inatsisartuni partiit tamarmik nunatsinni kommunit pillugit aaqqissuusseqqinnissaq ullumi inatsisartuni ammaanersiornermi siullermeerlugu oqaluuserineqarmat isumaqataanertik nalunaarutigaat.

Kommunit allaffisorneranni pisariillisaanissamik ullumikkut kommunet 18-iusut kommunerujussuanngorlugit sisamaannanngortinneqarnissaannut pilersaarut sisamanngornermi marsip ulluisa 29-ianni appassaaneerlugu oqaluuserineqannginnerani ataatsimiitsitaliami suliarineqassaaq.

Siumup aamma Atassutip kissaatigaat inatsisartut ataatsimiititaliaagallartumik pilersitsissasut kommunet pillugit aaqqissuusseqinnerup 2009-imi naammassinissaata tungaanut atasussamik.

IA isumaqarpoq akileraarutip procentia nunarput tamakkerlugu assigiittariaqartoq.

Demokraatit kommunit pillugit aaqqissuusseqqinnissamik siunnersuut tapersersorpaat taamaattorli iluarsaaqqinnissap aningaasartuutissaasa naatsorsoqqissaarneqarnissaasa kinguneriumaagai ujartorlugit.